ഭ്രാന്തന്‍

പളുങ്കിനാല്‍ തീര്‍ത്ത മനസ്സുകള്‍...                     എറിഞുടച്ചും വീണുടഞും         ചില്ലിന്‍തുണ്ടുകളായി ചിതറിക്കിടന്നവ.

കടലൊളിപ്പിച്ച മിഴികളും
കദനങ്ങളൊളിപ്പിച്ച പുഞ്ചിരിയും
കനലുകളെരിയിച്ച നെരിപ്പോടുമായുളള
മനസ്സുകള്‍...  

ചിന്തകളെ നിസ്വാര്‍ത്ഥമാക്കി
വാക്കുകളെ സത്യങ്ങളാക്കി
പ്രവൃത്തികളെ ആത്മാര്‍ത്ഥമാക്കി
ഇന്നലെകളെയും ഇന്നിനെയും കടന്നുപോയപ്പോള്‍ അവനെ  ഭ്രാന്തനെന്നു മുദ്രകുത്തി.
   
സ്വപ്നങ്ങള്‍ക്ക് നിറങ്ങളും
മോഹങ്ങള്‍ക്ക് അര്‍ത്ഥങ്ങളും
നല്‍കിയപ്പോള്‍ ചങ്ങലകളാലവനെ ബന്ധിച്ചു.

കടിഞാണിടാന്‍ കഴിയാതെ കിതച്ചോടിയ മനസ്സിനായിരുന്നോഭ്രാന്തെന്നറിയാതെ ഒററപ്പെടലിന്റെ
ഇരുമ്പഴികള്‍ക്കുളളില്‍
ഇന്നവന്‍ സ്വയം തളച്ചിരിക്കുന്നു.

Solitude

Solitude,how beautiful it is !

A state of being alone,

without being lonely

A feel of comfort,

with a loved one so close by.

Solitude,surrounded by 

sweet melodies,soft lullabies

and sometimes a silence,

more than words.

Solitude,enchanted by

the rythm of love,

which floats me as a petal

of a red rose on a stream.

I wrapped me warmly

in a quilt of solitude

where I love to 

stay for long hours.

മെഴുകു തിരി

ആരറിയുന്നു തിരിയിട്ട മെഴുകിന്റെ ഉരുകിയൊലിക്കുന്ന വേദനകള്‍?ഉരുകി ഒലിക്കുമ്പോഴും ആ ജ്വാലയാല്‍ പ്രകാശം നല്‍കണമായിരുന്നു...ഊതിക്കെടുത്തും വരെ !ഉരുകിയൊലിച്ചു രൂപങ്ങള്‍ പോയാലും വീണ്ടും തിരിയിട്ടു കത്തി തീരേണ്ട ഒരുപാട് പുനര്‍ജന്മങ്ങള്‍..ഓരോ ജന്മത്തിലും തിരി കത്തി തീരുവോളം ചുവപ്പും പച്ചയും  നീലയും  ചേര്‍ന്ന വേഷപ്പകര്‍ച്ചകള്‍..അറിയാതെ ഒരു തുള്ളി കൈവെള്ളയില്‍ ഇറ്റിയാല്‍ പരിഭവങ്ങള്‍..എങ്കിലും ആ തിരി തീരുവോളം വെണ്മയില്‍ കുളിച്ചു ഉരുകി തീരുകയാണ് മെഴുകു..പിടയുന്ന മനസ്സിന്റെ വേദനകളും പരിവേദനങ്ങളും ഉരുകിയോലിച്ചിറങ്ങും മുന്‍പേ വെണ്‍കണങ്ങളാക്കി മാറ്റിക്കൊണ്ട്..

സ്വപ്‌നങ്ങള്‍

എന്റെ സ്വപ്‌നങ്ങള്‍,കറുപ്പ് നിറമായിരുന്നു അതിനു.

ജനവാതിലിലൂടെ ഞാന്‍ കണ്ട മഴ നൂലുകള്‍..

നേര്‍ത്ത നോവായി എന്റെ ആത്മാവില്‍ 

പെയ്തു കൊണ്ടിരുന്ന രാഗങ്ങളായിരുന്നു.

എന്റെ നിലാവില്ലാത്ത രാവുകള്‍..

നനുത്ത പുലരിയെ കൊതിച്ചു മയങ്ങിയിരുന്നു..

ഉറക്കമുണരുമ്പോള്‍ ഞാന്‍ കണ്ടിരുന്ന പുലരികള്‍ 

ഇലത്തുമ്പുകളില്‍ മഞ്ഞു തുള്ളികള്‍ 

ഇല്ലാത്ത കൊടും വേനലായിരുന്നു...

പിന്നീടെന്നോ എന്റെ മനസ്സിലെ

 കുളിരായ് മഴയായ് നീ അരികില്‍ വന്നു,

എന്റെ ആത്മാവില്‍ പെയ്തുകൊണ്ടിരിക്കുന്നു.

.ഇന്നെന്റെ  പ്രണയം നീയാണ്,

എന്റെ സ്നേഹ നിശ്വാസങ്ങള്‍ നീയാണ്..

എന്റെ ഹൃദയത്തില്‍ ശിശിരം പോലെ

മഞ്ഞു തുള്ളികള്‍ തീര്‍ത്ത

പുലരികള്‍ നീയാണ്..

എന്റെ ആത്മാവില്‍ സംഗീതം പൊഴിക്കുന്ന

നേര്‍ത്ത മഴനൂലുകള്‍  നീയാണ്..

ഏകാന്തതയില്‍ ഞാന്‍ മെനഞ്ഞെടുത്ത

 സുന്ദര സ്വപ്‌നങ്ങള്‍ നീയാണ്..

എന്റെ ഹൃദയത്തില്‍ പുഷ്പവാടികള്‍ 

തീര്‍ത്തവസന്തവും നീയാണ്...

ഞാന്‍ നീട്ടിയ കൈകളില്‍

 നീ കോരിയൊഴിച്ച പ്രണയ ജലം

 കുടിച്ചുന്മാദയായ്‌ വീണ്ടും

നിന്നിലുണരാന്‍  കൊതിച്ചു

 ഞാന്‍ മയങ്ങുകയാണ്, 

നിന്നെയും പറ്റിച്ചേര്‍ന്നു...

ഈ സമയം ഇവിടെ നിലയ്ക്കുമെങ്കില്‍...

 എന്നെന്നും നിന്നില്‍ അലിഞ്ഞു ചേര്‍ന്ന

അരുവിയായ് ഒഴുകണമെനിക്കു..

നീയില്ലാതൊരു ലോകം വിട്ടു മറ്റൊന്നെനിക്കില്ല 

നീയില്ലാതൊരു ജന്മവും എനിക്കിനിയില്ല...